जग फिरता फिरता – आशिष गोरे

परवा ‘जग फिरता फिरता’ या  ई-बुकच्या प्रकाशनाच्या सोहळ्याला उपस्थित राहयचा योग आला.  सोहळा थोडा वेगळा होता कारण COVID – 19 मुळे सगळं बंद म्हणून हा सोहळा ऑनलाइन झाला. पुस्तक मराठी, हिंदी आणि इंग्रजीमध्ये प्रकाशित झाले आहे आणि आता किंडल आवृत्तीसुद्धा प्रकाशित झाली.

आशिषजी  सध्या एका बहुराष्ट्रीय कंपनीत उच्च पदावर कार्यरत आहेत. कामानिमित्त आणि पर्यटनाची हौस म्हणून त्यांनी जगभरातील जवळपास चाळीस देशांना भेटी दिल्या आहेत. या देशांत असताना त्यांना आलेल्या काही अनुभवांचे त्यांनी लेखन केले आणि रसिक साहित्यने त्याचे प्रकाशन केले.

Screenshot_20200519-211937_Amazon Kindleई-बुक बघताना एक गोष्ट प्रामुख्याने जाणवले की पुस्तकाचे मुखपृष्ठ इतर किंडल आवृत्त्यांपेक्षा वेगळे आहे.  ते का वेगळे आहे याचा थोडाफार अंदाज प्रकाशन सोहळ्यात आला होता. पुस्तक एक कॉफीटेबल पुस्तक आहे म्हणजे थोडे चौरस आकाराचे. म्हणूनच तोच आकार किंडलच्या मुखपृष्ठासाठी निवडला गेला असेल. या मुखपृष्ठाची अजून एक खास बात म्हणजे त्यावरील विमानाच्या खिडकीतून बाहेर दिसणार्‍या उंचच उंच इमारती. ती विमानाची खिडकी माझ्यासारख्या प्रवासाची आवड असलेल्या माणसाला पुस्तकाकडे नक्कीच आकर्षित करते.

या पुस्तकात जे अनुभव दिलेले आहेत  ते कोणत्याही एका देशातील किंवा काळातील नसून, लेखकाने गेल्या तीन ते चार वर्षांत केलेल्या प्रवासा दरम्यान आलेले आहेत. लेख अत्यंत सोप्या भाषेत लिहिलेले असून शब्दसंख्या पण मर्यादित आहे. त्यातील काही लेख विशेष उल्लेख करण्यासारखे आहेत जसं ‘सचोटी आणि प्रामाणिकपणा’ ह्यात जपानी लोकांच्या प्रामाणिकपणाचे कौतुक करतानाच तिथे बँकिंग पद्धती कशी आहे आणि सहीचा रबरी शिक्का (हानको) कसा चालतो ह्याचे वर्णन लेखक करतो. ही कथा वाचताना मला लक्षात आले की काही चायनीज किंवा कोरियन लेखकसुद्धा असाच एक लाल किंवा क्वचित काळ्या रंगाचा शिक्का वापरतात.

‘जग फिरता फिरता’ हे सांगतानाच लेखक कुठे तरी वाचकांना प्रत्येक क्षण जग (live) असे सांगू इच्छित असावा. प्रत्येक लेख वाचला की हे माझे मत अजूनच ठाम होते. रोजच्या घाई गडबडीच्या जीवनात आपण वर्तमानात जगणं कधी कधी विसरून जातो.

back page

छापील आवृत्तीचे मलपृष्ठ

हे पुस्तक वाचताना मला एक कमी जाणवली ती म्हणजे त्या ठिकाणची किंवा त्या देशातील रंगीत चित्रं. जर काही लेखांमध्ये ती चित्रे देता आली असती तर एक वाचक म्हणून मी लेखकाच्या नजरेतून तो देश किंवा ते ठिकाण बघू शकले असते.  प्रत्येक लेखाच्या सुरूवातीला छोटी कृष्ण-धवल छायाचित्र आहेत पण तीसुद्धा जर रंगीत असती तर मजा आली असती.

हे पुस्तक परीक्षण पूर्णत: किंडल आवृत्ती वाचल्यानंतर लिहिले आहे. छापील आवृत्तीमधील आलेखनामध्ये काही वेगळेपण असू शकते.

मी सर्व वयोगटाच्या वाचकांसाठी हे पुस्तक सुचवू  इच्छिते. या पुस्तकाची किंडल आवृत्ती ऑनलाइन उपलब्ध आहे.

या पुस्तकाला मी ५ पैकी ३.५ गुण देईन.

 

This entry was posted in Marathi and tagged , , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s